🎥 Երևանի քրեական ոստիկանները խոշոր չափի թմրամիջոցի իրացման դեպք են բացահայտել
Քրեական ոստիկանության Երևան քաղաքի վարչության և Ազգային անվտանգության ծառայության աշխատակիցները համատեղ իրացնելով օպերատիվ տեղեկությունները՝ Երևան-Երասխ ճանապարհին հայտնաբերել, թմրամիջոց ձեռք բերելու, պահելու և իրացնելու կասկածանքով ձերբակալել և Քրեական ոստիկանության Արարատի մարզային վարչություն են տեղափոխել Երևան քաղաքի 30 և 31-ամյա երկու բնակչի՝ վերջինիս վարած «Հյունդայի Էլանտրա» մակնիշի մեքենայով հանդերձ:30-ամյա տղամարդը իրավապահներին նկատելով մեքենայի մեջ է նետել 710 գրամ մեթամֆետամին տեսակի թմրամիջոցով պոլիէթիլենային փաթեթ: Նրա անձնական խուզարկությամբ հայտնաբերվել է նաև մոխրացած հետքերով կաթուցիչ:Ձեռնարկված միջոցառումներով պարզվել է նաև, որ 30-ամյա տղամարդը Երևան քաղաքի տարբեր հատվածներում գտնվող թաքստոցներում տեղադրել է թմրամիջոցի 50 փաթեթ: Մեքենան տեղափոխվել է պահպանվող հատուկ տարածք: 30-ամյա և 31-ամյա տղամարդիկ կազմված փաստաթղթերի հետ ներկայացվել են նախաքննական մարմին: ` Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորո
ւթյունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
